***LEREN’s POV***
“Nasaan ang pusa? Wala naman?” sabik na tanong sa akin ni Xalene nang naibaba namin ang pinagtulungan naming buhatin na cat food sa isang sulok ng kusina.
“Nandiyan lang ‘yan. Susulpot na lang bigla,” kako. Sinisipat ko pa rin ang sako ng cat food. Hindi ako maka-move on.
“Ay, gano’n akala ko pa naman makaka-play ko siya,” dismayadong saad ni Xalene. Mahilig din kasi siya sa mga pet, lalo na sa aso. Sa bahay nga nila may alaga yata silang pamilya na limang aso, dalawang pusa, at love birds.
“May bahay pa kasing iba si Pawpaw. Sa bahay ng asawa ng dating care taker dito. Palipat-lipat siya.”
“Ah, kaya.” Tumango-tango si Xalene kasabay nang pag-upo niya sa isang dining chair. “Teka, bakit mo ba tinitingnan pa ‘yan?” pagkuwa’y pansin niya sa pagsipat-sipat ko pa rin
