***LEREN’s POV***
“Eh, paano ang close niyo kasi. Para na nga kayong MU,” titirik-tirik ulit ang mga mata kong pagrarason ko kay Corinne.
“True!” segunda ni Xalene.
Pinamaywangan na kami ni Corinne. “Kinakausap ko lang iyong tao kasi naaawa ako sa kanya. At saka sa tingin niyo ganoon akong kaibigan? Manunulot?”
Tumalikod ako upang tapusin na ang niluluto ko. Paraan ko na rin para maitago ang namumula kong mukha. Bigla akong nahiya kay Corinne dahil pinag-isipan ko siya ng ganoon. Ang bad ko.
“Iyon nga ang sinabi ko kay Leren, eh,” kambyo ni Xalene.
“Heh! Ikaw kaya!” asik ko sa kanya sabay lingon.
Pigil ang tawa ni Xalene.
“Ang totoo nga niyan ay tinutulungan ko pang pumorma si Kent sa iyo kasi torpe pala iyon. Diyos ko, kalaki ng katawan pero duwag,” pag-amin pa ni Corinne.
Ilang
