***LEREN’s POV***
“Kuya, kumusta ka dito?” nakangiting tanong ko kay Kuya Rain nang marating ko ang kanyang puntod. “Mainit ba kapag tanghali? Sorry, hindi pa kita napapalagyan ng bubong mo. Mag-iipon muna ako, ah? Tiis ka lang muna, ah?”
Una kong pinalis ang mga dumi sa kanyang puntod. Mga tuyong dahon, maliliit na bato, at alikabok. Inalis ko na rin ang natuyong mga bulaklak at kandila na dala ko noong last na dalaw ko sa kanya. Pinalitan ko na fresh at may kasama pang bottled water.
“Miss na kita, Kuya,” lambing ko sa kanya. Mabilis na pinahid ko ang pumatak na luha sa pisngi ko at nilinis pa ang kanyang puntod. Sinigurado kong malinis na malinis dahil natitiyak kong matatagalan na muli ko siyang madadalaw.
Pagkatapos ay umupo na ako. Hindi ko inalintana ang sikat ng araw dahil ala
