Lahat ng nakikita ko ay kakilala ko at matatalik kong kaibigan. Mga kasamahan kong katulong, sila Lottie, Jane, Levi, Apollo, Achi, at Aeolus. Nandoon din si Bet na dati kong secretarya pati si Bernie. Si Manang na karga karga si Silvester. At ang huling lumabas ay si Mama, nakaupo siya sa wheelchair at tulak tulak ni yaya.
Lahat sila nasa harap ko ngayon. Umupo sila sa upuang nakaharap sa stage kung nasaan kame ni Zeus. Napansin ko din ang pagsulpot ng mga camera man, videographer at photographer. May mga waiter din na nasa gilid.
"Minah let's get married?" tanong ulit ni Zeus kaya nilingon ko siya. Kahit yata tanungin niya ako ng nakapikit o palulit ulit ay kayang kaya ko siyang sagutin.
"Yes. Oo," sagot ko habang tumatango. Hindi na ako magdadalawang isip, sigurado na ako. S
