Napansin ko din doon sa taas ng pinto yung cctv camera."Nay bakit pong ang daming cctv dito sa mansyon? Lahat po ba ng mansyon dito ay mayroong CCTV?"
"Ahh yan ba, binabantayan kasi tayo ni boss. Nong nakaraang linggo kasi may nahuling magnanakaw. Madami ding gumagala at nakakapasok na pusang ligaw dito. Ayaw kasi niyang makikipaglaro si Sylvester sa ibang pusa."
"Ah, may pagkaseloso po pala si boss," biro ko at tumawa. Natigil ako sa pagtawa ng seryosong tumingin sa akin ang matandang mayordoma.
"Siguro nga hija," sagot nito at ilang sandali pa ay bumawi ng ngiti.
Napaisip tuloy ako. Napaka protective siguro ni boss?
"Nay san ka pala nakatira?" tanong ko ulit. Pasimple akong napatikom dahil di ko na naman mapigil ang magtanong.
"Dito ako nakatira. Doon ang kwarto ko," sabay turo ni
