Pagpasok ko ay nagtago agad ako sa likod ng pinto upang di makita ng mga bodyguard na naglalakad sa labas. Tahimik at masusi kong tinignan ang paligid, lalo na ang sofa na ilang hakbang lang ang distansya sa akin. Doon ako nabangga kanina kaya tiyak kong nandoon lang yon. Malapit din ang sofa sa hagdan at sa pinto ng kusina. Kung wala sa sofa ay baka nasa pinto lang ng kusina o baka sa hagdan. Sinilip ko ang labas at tyempo naman na wala ng naglalakad na bodyguard kaya nagmadali akong pumunta sa sofa at yumuko, sinilip ang ilalim baka nasa ilalim lang nito ang bracelet ko.
Dumadagundong na ang puso ko sa kaba. Nasan kana? Magpakita kana bracelet.
Lumipas ang ilang sandali ay di ko nakita ang bracelet kaya naman doon sa pinto ng kusina naman ako naghanap. Tinignan ko rin ang hagdan nguni
