PAGLABAS ni Patrick Niel sa banyo nilang mag-asawa ay nadatnan niyang tulog na ang asawa patunay lamang ang pino nitong hilik. Kaya naman ay dahan siyang lumapit sa kanilang higaan.
Pinagmasdan niyang maigi ang mukha nito. Napakaamo nitong tingnan. Para itong anghel na ipinadala sa kaniya at mga anak niya upang hilumin ang trauma ng nakaraan.
"Napakaamo ng iyong mukha, Wifey. Walang mag-aakalang ang tulad mo ay kayang talunin ang isang libong lalaki at sundalo pagdating sa trabaho at higit sa lahat ay mabagsik na Leon. Pero alam mo bang iyan ang mas nagpatibay sa pagmamahal ko sa iyo, wifey? The way you act. Kung ano ang tama ay lagi mong ipinaglalaban. Kahit pa nangangahulugang nasa panganib ang iyong buhay. I love you so much, ny beloved Whitney Pearl Harden Aguillar, my lovely wife."
