"Margaret, dito na kayo sa bahay mag-almusal," sabi sa akin ni Camilla at alam ko kung tungkol saan ang pagpapatawag niya sa akin. Pinag-ayos ko na sila Mina at Greg para pumunta agad sa bahay ni Camilla.
Pagdating ay hinalikan agad ako ni Camilla sa pisngi at sobrang saya niya ng umagang iyon.
"Sobrang saya mo naman yata?" pabiro kong tanong sa kanya at niyakap siya. Tumingin ako kila Mina na nakatulala lang sa amin at hindi makapaniwala na mabuti kaming magkaibigan ni Camilla dahil masungit ang pakikitungo sa kanila nito kapag nasa grocery.
"G-goodmorning po, Miss Camilla," bati ni Mina sa kanya pero niyakap rin siya ni Camilla at kita sa mukha niya ang pagkagulat. Tinapik naman si Greg sa kanyang braso. Kasama rin namin si Mae pero wala siyang alam sa nangyayari dahil abala siya s
