Nang matapos ang pagsasalo at kami na lang ang natira sa lugar na iyon, nilapitan ko agad si Arman at hinila ko ang braso niya dahilan para mapaharap siya sa akin. Alam ko sa sarili ko na pulang - pula ako sa oras na iyon dahil sa galit pero hindi ako magpapapigil sa kanila.
Nakatayo lang sila Josef sa tabi namin at tinaas ni Arman ang kamay niya para sabihin na huwag silang makialam sa amin. Kung tingin ni Arman ay kayang - kaya niya ako pwes, ipapakita ko sa kanyang hindi niya ako pwedeng itrato bilang isa sa mga puppet niya.
Nakita kong umalma si Dexx pero nilayo siya ni Philip sa amin. Alam kong gustong akong ipagtanggol ni Grant ng mga oras na iyon pero nang lumingon ako sa kanya, binigyan ko siya ng tingin na huwag siyang magsasalita.
"Kaya ko na 'to," sabi ni Arman sa kanyang
