"Margaret, may gagawin ka ba sa susunod na linggo? Magbo-book na ako ng ticket para sa location ng kasal natin. Gusto ko sana ay beach wedding," sabi sa akin ni Dexx habang nasa susunod na restaurant kami at muling titikim ng kanilang putahe. Gusto ko sana malaman kung ano ang pinagkakaabalahan niya dahil nagbago ang reaksyon ng kanyang mukha dahil sa sinabi ng manager sa kabilang restaurant.
Madali ko naman mapapaikot si Dexx dahil lahat ng gusto ko ay sinusunod niya at sa akin lang siya nakikinig. Handa pa niyang kalabanin si Misa para sa akin pero dahil si Arman ang masusunod, kailangan ko ring makuha ang loob ni Arman para mapasunod ito. Hindi lang si Dexx kung hindi pati si Arman. Si Grant na ang bahalang magpasunod kay Misa dahil tiwala ako sa kanya na nakuha niya ang loob ng babae
