"Bakit nandito siya? A-akala ko ba-" naputol na sasabihin ni Arman ng humarap sa kanya si Philip at humalukipkip ito.
"Akala mo ay ano? Na patay ako?" matapang na sabi ni Philip at ngumiti ng pilit si Arman habang nakatingin sa akin na parang hindi ko dapat marinig ang sinabi ni Philip.
"A-anong pinagsasabi mo? Ang akala ko ay nasa Manila ka," sabi niya na nanginginig ang boses. Tinabihan ni Dexx si Arman dahil namumutla ito sa pagdating ni Philip. Tila nagimbal sa presensya ng taong pinatay niya. Marahil ganito rin angnaramdaman ni Dexx ng unang beses niya akong makita.
"Namumutla ka ata, Lolo?" tanong ni Philip at humalakhak. Gusto kong ngumiti ng mga oras na iyon dahil tagumpay ang plano ko.
"Anong nangyayari? Bakit parang takot na takot ka, Lolo Arman? Si Philip lang naman ang
