TEGAN
YEAR 20XX
TONYROSE JAYME
PAPALUBOG na ang araw ngunit hindi pa rin magawang umuwi ni Tony. Dinala na siya ng mga paa sa kung saan-saan ngunit hindi niya maramdaman ang pagod. Napadpad siya ngayon sa tapat ng simbahan ngunit hindi niya magawang pumasok doon. Galit siya, galit na galit siya sa Kanya. Hindi niya alam kung bakit siya pa. Bakit siya pa ang kailangan makaranas ng mga nangyayari sa kanya ngayon? Bakit lahat na lang ng mahahalagang tao ay kinukuha Nito mula sa kanya? Ano bang nagawa niyang mali? Bakit Siya nito pinahihirapan? Napakaraming katanungan sa kanyang isip kahit na alam niyang hindi naman Siya nito masasagot.
"I hate you," namumuhing sabi niya habang nakatingin sa taong nakapako sa krus. Maglalakad na sana siya paalis nang makarinig ng malakas palahaw mula sa
