"T-eri?" gulat na gulat na ani ni Mama pagpasok n'ya ng silid. Bahagya lang akong ngumiti rito at sinenyasan itong lumapit sa akin. Si Papa ay tulalang nakatitig at hindi makapaniwala.
Napahagulgol nang iyak ang ginang na humakbang na palapit at niyakap ako.
"Oh my gosh, ang isa ko pang anak." Hagulgol na ani nito. Hindi ko namalayan na umiiyak na rin pala ako.
"M-ama." Paulit-ulit na bulong ko saka humigpit din ang yakap dito.
Puro lang iyakan hanggang sa kumalma na kami. Luhaan din si Alforte Magalones na s'yang ama namin ni Tori.
Wala na naman akong mabasa sa expression ng kapatid ko na nakatitig lang sa amin. Nang mapansin nitong nakatitig ako sa kanya ay saka lang ito ngumiti.
Hindi sila nagtanong. Waring sapat na sa kanila na makita akong buhay at humihinga.
Tuwang-tuwa pa nga
