"HINDI pa rin s'ya bumibisita, Lo." malungkot na sagot ni Marcus sa kaibigang si Loreen nang tinanong nito kung nakapunta na raw ba si Cristina rito sa kulungan upang bumisita.
Magdadalawang buwan na halos magmula nang mapatunayang nagkasala sila ni Don Sancho sa batas at sinentensyahan ng ilang taong pagkakakulong.
Nanghina at nalungkot si Loreen.
Maging siya rin ay labis na nalulungkot at nanghihina. Namimiss na niya si Cristina, sobra. Pero alam n'yang galit 'yon sa kanya at hindi s'ya gano'n kadaling mapapatawad lalo pa't napakalaki ng pagkakasala niya. "Naiintindihan ko s'ya, Lo. Alam kong hindi pa n'ya ako kayang patawarin sa ngayon. Malaki rin ang kasalanan ko sa kanya, sa kanila ni Miguel."
Ngayong ramdam na niyang nawalan s'ya ng isang matalik na kaibigan, ngayon din n'ya nara
