"YON na nga!" patuloy din ni Amber. "'Yon pa ang mas masakit! Ang malamang botong-boto sayo, Mr. Buendivas, ang ama ni Miss Cristina ngunit pinili pa rin niyang magmahal ng iba. Masakit, 'di ba? Ang sakit! Napakasakit na kahit halos buong mundo ay boto sayo para sa babaeng mahal mo ngunit iba pa rin ang mahal niya-"
"TAMA NA!" nagdudumagundong sa buong korte ang boses ng mangiyak-ngiyak na si Marcus. "OO NA! INAAMIN KO NA! MINSAN KONG PINAGTANGKAANG PATAYIN SI MIGUEL DAHIL INAGAW N'YA ANG SA SIMULA PALANG AY DAPAT PARA SA AKIN, ANG PUSO NG BABAENG MULA PA PAGKABATA AY ITINATANGI KO NA! INAAMIN KO NA! MINSAN KONG INISIP NA BURAHIN SA LANDAS NAMIN SI MIGUEL DAHIL AYOKONG MAY NAKAKAHATI KAY CRISTINA! INAAMIN KO NA! MASAYA NA KAYO NGAYON?!"
Natigilan ang lahat sa pag-amin sa wakas ni Marcus.
