DANAYA
Hindi ko alam kung anong nangyari noong wala akong malay. Nagulat na lang ako noong biglang naging cold ang trato sa akin ni Dion.
"Di--" Hindi ko na ipinagpatuloy ang sasabihin ko dahil na-tyempuhan naman na may tumawag sa telepono niya.
Nakaramdam ako ng hiya bigla. Inisip ko tuloy kung ano kaya ang nangyari para maging ganito si Dion.
"Danaya, nakausap ko na ang doktor. Ang sabi niya sa akin we can go home now. Gusto mo bang ngayon na tayo bumyahe? O bukas na lang?" tanong niya sa akin pero hindi naman sa akin nakatuon ang kaniyang atensyon kung hindi doon sa kaniyang kausap.
Sino ba 'yan? Si Tim?
"Uwi na tayo, gusto kong magpahinga sa bahay," walang buhay kong tugon.
Sa wakas tumingin na siya sa gawi ko. Nahalata niya ata na lumumbay ang tono ng pananalita ko. Ibinaba ni
