DION
Alas dyes na ng gabi ako nakalabas ng company. Tinapos ko nang lahat ng gagawin ko the whole week para nakatuon lang ang atensyon ko kay Danaya mapa-bahay man o opisina. Hindi ko alam kung nakatulog na ba si Tim sa paghihintay dahil hindi ko na siya pinaalis pa. Nakalimutan ko naman na ipaalam sa kaniya na matatagalan pa pala ako.
"Good evening boss. Ingat po kayo," bati no'ng gwardya. Tinapik ko ang kaniyang balikat at sinabi ang kaparehong salita.
"Si Tim nasa labas pa ba?" tanong ko. "Ay, siya po ba 'yung nagmamaneho ng sasakyan niyo po? Nakita ko po nakaparada po sa may gilid po 'yung sasakyan," tugon no'ng guard.
Tumango-tango ako't nagpasalamat sa kaniya. "Sige, salamat po. Mag-iingat din po kayo," sabi ko bago tuluyang lumabas.
Tinanaw ko kung nasaan naka-park ang aking
