DANAYA
"Grabe ka kay Tim kanina. Akala ko talaga nagkaroon kayo ng alitang dalawa dahil sa ginawa mo," sabi ni Dion sa akin. Nakatingin ako kay Jam at kay Tim. Mukhang nagkaayos na silang dalawa. Mainam iyon dahil nagbabalak pa naman ako kanina na kunin muna si Jam at doon magpalipas ng kaniyang panganganak kapag hindi lumayas iyong magulang ni Tim. Mai-stress lang si Jam, makakasama iyon sa kalusugan nilang mag-ina.
"Danaya?" Muling tawag ni Dion. Tumingin ako sa kaniya, nakataas ang dalawang kilay. "Ano?" tanong ko. Nagpakawala siya ng mahinang buntonghininga. Magkatabi kami, kami pa lang ang nasa table. Apat kami dito, kaso sina Phobos at Amira ay wala pa, hindi pa dumarating. Iang oras na silang late sa totoo lang. "Sabi ko, may problema ba kayo ni Tim at minura mo siya kanina?" tano
