DANAYA
"And then, iyon nga ang ireregalo ni Tim?" tanong ko kay Dion. Kinwento niya na sa akin iyong nangyari noong naghahanap sila ng maireregalo kay Jam. Tumango si Dion. Busy siya sa pagsisintas ng kaniyang sapatos dahil siya na lang ang hinihintay bago kami makaalis. Inuna niya kasi akong ayusan dahil hindi ko na kaya nang mag-isa.
"Alam mo ba, Dion kung may problema iyong magjowa?" curious kong tanong habang nakatingin sa sarili kong repleksyon sa full length mirror. Napatingin siya sa akin, umayos ng tayo tapos sinamahan niya ako sa pagtitig sa salamin. "Wala naman silang problema, para sa akin. Bakit? may naikwento ba sa iyo si Jam?" tanong niya pabalik. Umiling ako tapos inihilig ko ang aking ulo sa kaniyang balikat. "Para kasing may mali kay Jam. Pakiramdam ko ang layo na niya s
