Perpekto ang kulay kahel na kalangitan, ganoon din ang hangin mula sa silangan. Sa ilalim ng maglalakihang ulap ay nagkakasiyahan ang apat na nilalang. Nagbubunyi ang kanilang mga kaluluwa mula sa mahaba at malalim na bangungot.
Ang isang araw na bakasyon na sana'y sa dagat, nauwi sa tubig tabang may halo pang kemikal.
"Whooo! Cheers guys! Para sa magandang future nating lahat!"
Sabay-saba nilang itinaas ang kanilang basong hawak na may lamang wine at ibinangga ito sa isa't isa. Nabalot ng masayang tawanan ang malawak na pool area. Sila lamang ang tao roon. Gumastos sila ng sampung libo para lamang hindi masayang ang araw ng kanilang pahinga.
Napakaimportante nitong araw na ito kay Dion dahil ngayon ang araw kung kailan niya unang nakita si Danaya, kung kailan siya unang tumapak sa ba
