PARANG SIRANG PLAKA na paulit-ulit na naririnig ni Mia ang isiniwalat sa kaniya ng ina na katotohanan. Para siyang nabingi sa kaniyang narinig at nakatingin lamang siya sa kaniyang ina. Hinahanap niya ang emosyon na gusto niyang makita at sasabihin nito na joke lamang ‘yon at hindi totoo pero pagkalipas ng ilang minuto, nanatiling seryoso ang kaniyang ina.
“It’s time for you to know the truth, anak. Your father is not Lucas.”
Napakurap si Mia at napainom ng tubig.
“Ma, totoo?”
Tumango si Camila. “Totoo. Mabait naman siya pero nang malaman niyang hindi ka niya anak, doon na nagsimula ang mga p*******t niya sa akin. I admit it. It was my mistake. Pero nakaraan na ‘yon kaya kinalimutan ko na. Ilang taon na rin naman na ang lumipas.”
“Kung hindi po si Tatay Lucas ang tatay ko. Sino?”
