Matapos naming mamili ng mga gamit ay nagtungo na kami sa tindahan niya.
Nagtalo pa kaming dalawa kanina sa pagbabayad dahil ayaw niyang pumayag na ako ang magbabayad ng mga pinamili ko. Ipinilit ko pa rin ang sarili ko ngunit nagagalit na siya kaya wala na akong nagawa. Siya pa rin talaga ang nagbayad ng mga ipinamili ko.
Nakakakunsensiya lang dahil alam ko namang hirap siya sa pera ngayon at may pambayad naman ako. Kaya lang, kaysa mag-away kami ay hinayaan ko na. Alam ko naman ang ego ng mga lalaki.
Tinulungan ko siya sa pagluluto at pagtitimpla ng fishball sauce. Hindi ko pa naman nakakalimutan kung paano ang tamang pagtitimpla niyan dahil noon nga ay magkatulong kaming nagtitinda niyan ni Arianne at ipinagluluto ko rin lagi niyan si Ace noong nasa condo unit pa siya.
Teka, kumusta
