Amanda’s POV
“Dali na Amy! Halos hindi ako makatulog kagabi! Seryoso ka ba?! Pupunta ‘yung boss mo rito?! Kailan?! At bakit?! Anong gagawin niya rito—
“Bakit ba interesadong-interesado ka? Nabanggit ko lang naman ah.”
Kahit na alam ko ay nagmamang-maangan pa rin ako, gusto ko lang kasing gumanti sakaniya sa pangti-trip nito saakin. Napatigil si Lei at pawang napagtanto ang kinikilos.
Kasalukuyan kaming pababa ng hagdan at ako ay nakahanda na para pumasok sa trabaho. Gawa-gawa ko lang naman sakaniya iyong sinabi ko kahapon habang kumakain kami.
“A-Ano... kasi lang ano... nakakapagtaka lang! Kasi ‘di ba?! Ano bang gagawin ng boss mo rito?” Muling tuminis ang boses nito.
Nadatnan namin si Aling Josie na nagwawalis sa harapan ng bahay nito. Itong harapan ng bahay ni Aling Josie ay paw
