PARA akong nakalutang sa alapaap. Sobrang saya ko na kami na! Halos hindi ako patulugin sa kilig dahil kay Caleb. Ang tagal niya bago umuwi kagabi dahil nag-usap pa kami at naglalambing pa siya bago niya ko pinakawalan at tinulungan sa mga ligpitin at hugasin.
Naisip ko na bukas ko na lang din sasabihin sa kanya ang tungkol sa baby namin. Sakto pang check up ko bukas. Hindi ko alam kung matutuwa siya o ano pero ang mahalaga ay nasabi ko.
Maaga pa lang ay pinuntahan ko na sa kwarto si Mama para sabihin sana ang plano. Kagabi kasi ay tulog na ito kaya hindi ko na din nakausap.
Inaantok pa siya ng mabungaran ko.
“Ano ‘yun? Ba’t ang aga mo mang-gising e, mamaya pa naman tayo aalis,” bungad niya sa akin.
“Isasama ko si Caleb, Ma. Pwede bang kami na munang dalawa? Sasabihin ko sa kanya a
