NAKAUPO si Trina sa harap ng salamin habang naglalagay ng konting make-up sa kanyang mukha. Hindi niya maiwasan ang mapangiti nang maririnig mula sa baba ang halakhak ng kanyang asawa at ng mga kaibigan nito. Siguro ay nilalaro na naman ng mga ito ang kanyang anak na ngayon ay magtatatlong buwan na.
Sa nakalipas na tatlong buwan ay masasabi ni Trina na parang nawala na lahat ng balakid sa kanyang puso. Ang mga nagawa sa kanya ni Daryll noon ay tuluyan niya nang kinalimutan.
Sa tatlong buwan na nagdaan ay walang araw na hindi siya napapangiti dahil sa kanyang asawa't anak na palaging nagpapasaya sa kanya araw-araw. Nagkaayos na rin sila ng ina ni Daryll, palagi itong dumadalaw sa kanila para lang makita ang apo nito, ganoon din sina Clarence at ang mga kaibigan ni Daryll na palaging nasa
