XELLONIA POV
HINDI pa rin kami kumakalma dahil sa nalaman naming lahat. Tahimik ang lahat hanggang magsalita si ate Hazel.
“Kaya pala... Nang mamatay si Maʼam Penelope ay kakaiba na ang kinikilos ng Betty na iyon. Ang kapal din ng mukha niya dahil ilang taon pa before siya umalis dito! Bwisit ang Betty na iyon!” malakas na sabi ni ate Hazel.
“Kaya siguro umabot pa siya rito ng ilang taon para masabing nakapag—ipon siya para makaalis siya ng hindi natin siya pinaghihinalaan,” sabi ni ate Inday.
“Grabe! Hindi ko kaya maisip kung paano siya nakatutulog nang mahimbing kung ganoʼng siya pala ang lumalason kay Maʼam Penelope!”
“Dapat mahanap ang Betty na iyon! Dapat makulong siya!”
Nakagat ko ang aking ibabang labi habang nakatingin sa paligid ko. “I—iyon din po ang gusto kong mangyari...
