“Tulog na ba si Chantal?” Pagpasok ko sa kuwarto ay eksakto namang nakita ko na patayo na si Sir Austine sa kama.
Bahagya pa siyang nagulat pero kitang-kita ko ang pagliwanag ng kanyang mukha nang makita ako. Sumulyap muna siya kay Chantal bago muling tumingin sa akin at kapagkuwan ay tumango.
Naglakad ako palapit sa kama at plano ko lang tumayo roon habang tinitingnan si Chantal ngunit nagulat ako nang sa isang iglap lang ay nakaupo na ako. Hindi sa kama kung hindi sa mga hita ni Roux.
“Where have you been?” Mabilis na ipinulupot niya ang kanyang braso sa aking bewang.
Napalunok ako. Pagkatapos noong nangyari kagabi ay ngayon na lang muli naglapit ng ganito ang aming mga katawan. Alam kong nakikita niya ngayon kung gaano kapula ang aking mukha. Lalo na at mag
