"Anong balita? Nasabi mo na? Tapos na kayo?" Salubong kaagad sa akin ni Rianne nang makarating kami sa bahay nila Yosef.
Nakaabang siya sa may porch ng bahay kasama si Amara, Ivette, at Diana. Halatang naghihintay sila sa kung ano ang resulta sa naging pag-uusap namin ni Qino. Naririnig ko naman ang tawanan ng mga elders sa loob ng bahay.
"Yup. We're now done." Pekeng ngiti ang ipinakita ko sa kanilang lahat.
"Good job, couz! You did the right thing."
Gusto kong irapan si Diana dahil sa sinabi niyang iyon. Tama para sa kanila ang ginawa ko ngunit pakiramdam ko ay mali. Siguro dahil alam ko sa sarili ko na nasaktan ko siya? Na kinailangan kong gumamit ng ibang tao para lang saktan siya?
"Anong sinabi niya?" Si Amara. "Nagtanong ba siya tungkol sa inyo ni Jarred? Tanggap ba niya?"
"Oo,
