Anika POV
Pagkatapos kong magbihis, mag-ayos ay bumaba din kaagad ako. Excited na rin kasi akong makita si Lolo.
Bakit kaya siya pumunta rito?
Ang laki ng mga ngiti kong bumaba ng hagdanan. Hanggang sa marating ko ang malawak na sala. Nadatnan ko si Lolo nakaupo sa wheelchair nito habang sa tabi nito ay isang babae.
"Lolo!" sigaw ko. Nagmadali akong lumapit sa kaniya para magmano. "Lolo, napadalaw kayo?" nakangiting tanong ko dito.
"Bakit? Ayaw mo bang dumalaw ako rito?"
"H-hindi naman po sa ganun, lolo. Nabigla lang po ako. Hindi ko kasi inaasahan na pupunta kayo dito."
Seryoso ang mukha ni Lolo. Napansin ko pa nga ang tila galit na awra nito.
"Bakit hindi man lang kayo nagpaalam sa akin na uuwi na pala kayo? Nagmukha akong tanga sa kahihintay na lumabas ka ng kwarto para s
