"Let's go, Amanda umuwi na tayo bago ka pa gumawa ng eksena rito na pwede kong ikapahiya!" Mariing saad sa kanya ni Kian at basta na lang nito hinila ang braso niya at sapilitan siyang itinayo mula sa kinauupuan.
"Kian ano ba nasasaktan ako!" Reklamo niya dahil mahigpit masyado ang hawak nito sa kanya, paniguradong mamaya bakas na ang mga daliri nito sa braso niya.
"Dapat lang na masaktan ka, Amanda masyado kang spoiled brat, pasaway dapat sa iyo tinuturuan ng leksyon!" Asik nito sa kanya.
Hindi niya alam kung bakit ito galit na galit sa kanya, samantalang ito naman ang unang umalis ng bahay nila imbes na magsama sila at mag bonding sa unang araw ng kanilang kasal umalis ito at inuna nito ang trabaho. Naiintindihan naman niya ang uri ng trabaho ng kanyang asawa, pero sana man lang pina
