Dinala ako isang magarang hotel ni Sir Arcel. Kahit lasing siya at mukhang lutang ang isip ay sa magarang hotel pa rin niya ako dinala. Dito sa hotel kung saan muntik ng may mangyari sa amin. Natatandaan ko kasi ang nakasulat sa harapan ng nasabing building at hindi ako nagkakamali na iyon nga ito.
Tingin ko hindi naman siya ganoon kalasing masyado, siguro may tama lang siya ng bahagya dahil nakapag-drive pa rin naman siya ng maayos at hindi naman niya ito pinalilipad katulad ng mga nakikita ko sa mga eksena sa telebisyon kapag nalalasing ang bidang lalaki. Pero ilang ulit pa rin akong nagdasal ng tahimik para sa aming kaligtasan dahil sobrang nag-aalala pa rin ako na baka bigla kaming bumangga kung saan dahil nga nakainom siya ng alak.
Gladly, safe naman kaming dumating dito sa hotel at
