Nag-aantay ako ng tricycle rito sa labas ng school pauwi sa condo ko. Ayaw kong maglakad dahil medyo hindi maayos ang aking pakiramdam simula pa noong kaninang umaga. Nais kong lumiban sana sa klase subalit may dalawa akong quiz na mami-miss kapag ginawa ko iyon kaya no choice kundi ang pumasok ako.
Natutop ko ang aking bibig nang may maamoy akong 'di kanais-nais sa hangin. Naduduwal na naman ako na labis na nagpapakaba sa aking dibdib.
Sinubukan kong pakalmahin ang aking sarili para hindi ako magkalat dito. Butil-butil ang pawis sa aking noo nang pilitin ko ang aking sarili na huwag maduwal dito. Maraming estudyante na narito sa labas at nag-aabang ng sasakyan. Magiging issue ako kapag hindi ko mapigilan ang aking pagduduwal.
Pangatlo na 'to ngayong araw. Akala ko may nakain lang akon
