Hindi alam ni Carrie pero kada naiisip niyang apektado sa kanya si Winter ay napapangiti siya. Umeepekto na ata ang operation seduce Winter Mckinley niya! Muntik na nga siyang mapabunghalit ng tawa habang pasulyap sulyap kay Winter na tila ilang na ilang naman sa kanyang tumingin. Sa labas lang ito nakabaling buong biyahe.
Sakay sila ng bago niyang sasakyan na kulay red. Ayon kasi sa nag ayos nun nung nakaraang buwan ay talaga daw bulok na ang makina ng luma niyang sasakyan kaya nag desisyon na din siyang palitan na.
“A-Anong nginingiti ngiti mo diyan?” Masungit na untag nito sa kanya.
“Bakit bawal ba?” Nakangiti pa rin siya. She knows mukha na siyang ewan but she can’t help it. Masaya siyang nag kakaroon na siya ng pag asa sa babaeng mahal niya.
“Stop with your smile.”
