Kinabukasan maaga s'yang nagising para ipaghanda ng almusal ang asawa bago ito lumipad pang San Sebastian. Nararamdaman n'yang malapit ng matapos ang lahat, mawawala na si Debbie ngayong araw sa San Sebastian, tanging si Glenn na lang ang pinaghahanap ng asawa ngayon. Wala s'yang ibang hiling kundi ang mahuli na si Glenn.
"Perfect," sabi n'ya ng tikman ang omellete na linutu n'ya. Napangiti s'ya dahil sakto ang lasa. Kahit papano unti-unti na s'yang natututong magluto. Bilang asawa s'ya naman dapat ang naghahanda ng pagkain ng asawa. S'ya dapat ang nag-aasikaso kay Gab.
Habang inilalagay ang mga tinapay sa plato nag ring ang cellphone n'ya sa may lababo. Dinampot n'ya 'yon at basta na lang sinagot hindin na tinignan pa kung sino ang tumatawag.
"Hello," sagot n'ya habang patuloy sa pagha
