Makalipas ang ilang araw nalalapit na ang kasal nila ni Gab. Nasasanay na rin s'ya sa pagtira n'ya sa bahay ni Gab. Magkasama sila ni Gab sa iisang silid. Pero walang nangyayari sa kanila ni Gab. May mga gabing mumuntikan na s'yang makalimot pero natatauhan din naman s'ya. At pinagpapasalamat n'yang hindi s'ya pinipilit ni Gab na may mangyari sa kanila. Nais muna kasi n'yang ikasal sila ni Gab bago ibigay ang sarili rito. Alam n'yang pang habang buhay ang kasal at hindi na sila parehong makakawala pa ni Gab sa papasukin nilang bagong kabanata sa buhay nila.
"Good morning,"
Tinig ni Gab ang nagpabalik sa kanya sa kasalukuyan. Nilingon n'ya ito at ngumiti rin sabay bati na rin. Nakabihis ito naka coat and tie ito. May meeting daw kasi sa Saavedra Condo at pinpapunta ito ng Papa nito. Alam
