Tatlong araw na mula ng mahuli si Glenn at muntik na s'yang mapagsamantalaan. Nakabalik na rin silang lahat sa San Sebastian. Ngunit iisa ang napuna n'ya kay Gab. Pakiramdam n'ya malamig at pormal ang pakikitungo sa kanya ng asawa ngayon. Mula ng makalabas s'ya ng ospital, hindi pa nila napapag-usapan ng asawa ang mga nangyari ng araw na 'yon, nais sana n'yang pag-usapan nila at ipaliwanag sa asawa kung bakit nagawa n'ya ang bagay na 'yon. At magpapasalamat s'ya sa asawa sa pag ligtas sa kanya.
Sa bahay muna s'ya ngayon nagpapahinga at nagpapagaling ng mga natamong sugat. Nababagot tuloy s'ya at hindi mapigilan ang mag-isip ng kung anu-ano. Lalo na panay iwas sa kanya ni Gab ngayon. Maaga itong umaalis para pumasok sa trabaho, at umuuwi na lang ng malalim na ang gabi, tulog na s'ya sa tuw
