Nanlaki ang mata ni Marj sa naging reaksiyon ng kaharap na lalaki, sa hitsura ay waring nakikita mo ang asawa niya pag galit na galit na ito. Pinigilan niya ang mga nagbabadyang luha. Bigla naman nagsalita ang mayabang na lalaking katabi.
"Pasensiya na bro! Hindi ko lang mapigilan maging ganoon dahil sa pinakamamahal ko." nakangising sabi ni Clarence kay Ismael. Makikita mong lalong nanggigil ang lalaki kay Clarence at balak ng suntukin ang kaharap kung hindi lang nakakapit sa braso nya si Dianne na ngayon ay kinakabahan sa nagiging asal ng katabi. Ngayon lamang niya ito nakitang magalit ng ganoon na wari mo'y papatay ng wala sa oras at nagtataka siya kung bakit ganoon ang reaction sa mga kaharap ay ngayon lamang naman nila nakilala ang mga ito.
