PATULOG na ang tala at ang buwan sa kalangitan ngunit buhay na buhay pa rin ang mga taong nagtatrabaho para sa laman. Limangdaang piso kada oras, ganoon ang bentahan ng panandaliang aliw sa Coron Bar. Maraming mga lalaking iba't ibang edad ang nagsasaya. May asawa man o wala... walang may pake at walang manghuhusga. Ganoon din pagdating sa mga babaeng nagtatrabaho sa loob. Karamihan ay may mga anak ngunit ayos lang, mas gusto iyon ng kostomer dahil pagdating sa kama, hanap nila ay iyong bihasa na.
"Ma! Look what we found, a gem," masayang wika ng dalagang nagngangalang Precious. Siya ang anak ng may-ari ng bar.
"Ano na naman iyan? Hindi ka talaga nadadala ano, Precious? Kung hindi puro may sabit ang dinadala mo sa akin, may bago ba? Sinasabi ko sa iyo, ang hirap magsinungaling araw-araw
