TOTO
"Hindi ka na papasok? Bakit naman?"
"Ma'am, kailangan ko pong magtrabaho para may makain po kami," sabi ko sa aking guro. Ito na ang huling araw na papasok ako sa paaralan. Patawarin ako ni ate sa gagawin ko pero wala na akong ibang maisip na paraa para hindi kami magutom.
Kulang ang isang libo para sa isang buwan. Magkakasya lamang iyon kung isa o dalawang linggo kaming mag-uulam ng toyo, asin, o asukal.
Bigas pa lang, uubusin na ang limangdaang tira sa isanlibo.
"Naiintindihan ko ang kalagayan mo at hindi naman kita mapipilit kung iyan ang desisyon mo. Nanghihinayang lang ako na kailangan mong tumigil para mabuhay. Kapag nakaluwag-luwag kayo, bumalik ka, ha? O di naman kaya kung gusto mo, mag-module ka na lang din. Tuwing Byern--"
"Hindi na po, ma'am, maraming salamat sa suhes
