PASADO alas kwatro nagising ang batang si Cassandra, salamat sa kaniyang cellphone at natuto siyang maglagay alarm. Pagkapatay niya rito, nakita niyang mahimbing pa rin ang tulog ni Abet. Iniisip niya kung gigisingin niya ba ito para aluking maghanda ng pagkain o mauuna na siyang pumunta sa kusina.
"Siguro naman susunod din siya kaagad," bulong nito bago tumayo.
Nagtungo siya sa banyo, pinagmasdan niya ang kaniyang kamay na may gapos na benda. Napangiwi siya nang bahagya dahil nakita niyang may mga namuong nana sa kaniyang palad. Hindi iyon maiiwasan dahil sa lalim ng sugat na kaniyang tinamo mula sa hagupit ng latigo at paso ng tsaa.
"Paano ako makakaluto sa lagay na ito? Baka mas lalong lumala... pero paano ko sasabihin kay manang Abet? Paniguradong hindi niya magugustuhan kapag nagda
