Saan ako pupunta...
Anong gagawin ko?
"Si Daniel. Panginoon, si Daniel. Ano pong mangyayari sa kaniya?" nanginginig kong panalangin habang nagtatago sa malaking kahoy sa kagubatan na sakop pa rin ng pag-aari ni Don Fernando. Hindi matigil sa panginginig ang katawan ko. Wala akong ibang nadala bukod sa damit na pamalit na kinuha ko lang sa sampayan, iyon lang. Hindi na ako nakapunta pa sa aking silid dahil hinarangan ng mga katulong ang daraanan ko. Nagpapasalamat ako dahil mayroong hindi nasilong na sinampay dahil kung wala, tatakbo ako na ang tanging suot lang ay ang aking panloob kasama na ang jacket ni Daniel.
"Bakit nangyari ito... Bakit nangyari ito?! Saan ako pupunta ngayon? Wala akong pera, wala akong masyadong alam sa Maynila," namomroblema kong usal.
Idinantay ko na lang ang k
