NAKAHANDA na ang lahat para sa pagtakas nina Toto kasama ang kaniyang mga kapatid. Dahil walang masyadong dalang gamit, mataas ang kumpyansa nito sa sarili na makakalabas sila nang walang kahirap-hirap. Sakto at ang araw ng Linggo ay araw para sa Panginoon. Ibig sabihin, ang lahat ng nasa shelter ay obligadong pumunta sa simbahan sa labas.
"Bilis, habang walang nakabantay sa pinto sa likod," mahina at halos pabulong na wika ni Toto. Mahina si Pampam, at may nararamdaman itong si Jekjek kaya naman kahit anong bigay niya ng babala sa kanila ay hindi pa rin nagbabago ang kanilan galaw. Hindi niya rin naman pwedeng pilitin iyong dalawa dahil baka imbes na walang makapansin sa kanila, mabulilyaso.
"Tago, tago. Mayroong tao," saway ni Toto. Mabilis namang kumilos ang magkakapatid at nagtago s
