DANIEL
"Ano na namang gusto mo sa akin?! Hindi pa ba kayo napapagod? Kasi ako pagod na magpaliwanag sa inyo nang paulit-ulit na hindi ko pipirmahan iyong pinapapirmahan ninyo! Hindi ko dadayain ang batas..." may paninindigan kong usal habang nakikipagsukatan ng tingin sa hepe ng pulisya na siya ring kumausap sa akin kanina.
"Hay. Ayaw ko sanang gawin ito sa iyo dahil wala ako sa mood ngayon. Pero dahil nakasalalay rito ang pangalan ko, pasensyahan na lang tayo boy. Kung hindi ka pumapayag ngayon... naua'y sa gagawin ko ay mapapayag na kita," sabi niya sa akin.
Nalukot ang noo ko noong marinig ang kaniyang tinuran. May binabalak ba siyang gawin sa akin? Kung mayroon man, ano iyon?
Nakita kong lumingon siya. Hindi ko man makita ang kaniyang mukha, alam kong nagbigay siya ng senyales sa
