CASSANDRA
ISANG linggo na ang nakakalipas simula nang maging tahanan ko itong kalsada. Napanood ko sa telebisyon kahapon na ngayon naktakdang litisin si Daniel sa hukuman. Gusto ko siyang puntahan, gusto kong tulungan siya.
Nag-aalala ako na mag-isa lamang siyang tatayo sa harap ng mga tao. Huhusgahan siya kahit na hindi naman niya talaga gustong gawin iyon. Isa pa, si Don Fernando naman talaga ang tunay na may kasalanan. Kung hindi niya ako sinubukang--
"Ate, tutuloy ka ba talaga para kitain iyong lalaking tumulong sa iyo?" tanong sa akin ni Bridget. Kanina pa nila ako kinukumbinsing magkakapatid na sasama raw sila sa akin pero hindi pwede. Medyo malayo-layo ang pupuntahan ko kaya nag-aalangan akong isama sila.
"Kailangan kong pumunta, Bridget. Kahit masilip ko lang siya ayos na sa
