DANIEL
Namulat akong hindi kilala kung sino ang nagsilang sa akin sa mundo. Wala akong kinilalang ina o ama maliban sa pulubing kumupkop sa akin ng ilang taon pagkatapos akong itapon na parang pinaglumaang laruan sa gilid ng basurahan.
Kahit na may kapansanan sa pag-iisip ang babaeng nag-alaga sa akin, ibinigay niya ang pagmamahal na kailangan ko habang ako'y lumalaki.
Dahil sa lansangan ako isinilang, doon na rin ako lumaki. Musmos pa lamang ay mulat na ako sa reyalidad ng buhay at kung gaano ka-hindi patas ang mundo.
Pangangalakal ang siyang bumuhay sa amin at kamao ang siyang kumitil sa buhay ng taong nagligtas sa akin. Napakasakit ng iniwang ala-ala sa akin ng kahapon. Dahil lamang sa kasiyahan, nagawa patayin ng mga halang na kaluluwa ang tumayong ina sa akin. Hanggang ngayon, tuw
