DANIEL
Ito na ang huling araw ng paglilitis. Kumpara kahapon, mas marami raw ang mga taong nakaupo sa bulwagan ayon sa pulis na kasama ko. Bakit? Sikat ba ako para dumalo sila at pakinggan ang hearing?
"Nakapagpaalam ka ba nang maayos sa mga kaibigan mo sa kulungan, ha?" tanong ng pulis na naghahatid sa akin.
"Bakit? Pati ikaw inaasahan mo rin na makakalaya ako?" tanong ko sa kaniya pabalik.
Narinig ko ang mahina niyang tawa. Nasa likod ko siya kaya hindi ko makita kung anong klaseng mukha ang ginagawa niya ngayon. "Kalat na na makakalaya ka ngayon. Bukas na nga namin isasagawa ang operation para hanapin si Cassandra, iyong babaeng pinoprotektahan mo."
Nagtangis ang bagang ko sa inis. Alam kong hindi nagbibiro si Chloe pero hindi ko inaasahan na lalaganap nang ganito kalala ang kaniy
