Nang ikatlong buwan na nina Christine sa bagong opisina, nagkaroon na din sila ng madaming kliyente. Naging abala na si Christine sa kabi-kabilang meeting at presentations. Minsan ay sila mismo ang pumupunta sa mga kumpanya, lalo na sa Alabang area na napakaraming private companies. Kung minsan naman ay sa mga schools ng kalapit na mga siyudad.
Pinagtutulungan nina Jasper ang presentation. Sales Trainer talaga si Jasper at siya ang naka-assign sa training ng mga agents. Pero hindi pa ganoon kadami ang agents na nagpapa-accredit sa kanila kaya every Saturday lang ang training schedule nila. Kung weekdays, sumasama siya kay Christine at tumutulong sa mga presentations with clients.
Ang madalas nilang pagsasama ay naging daan para maging mas malapit sila sa isa’t isa. Unti-unti ay madami n
