Walang sinayang na oras si Christine. Kinabukasan ay agad siyang nakipagkita sa lawyer niya para sa pagproseso ng annulment. Ipinaliwanag ng abogado na dito sa Pilipinas, kadalasan ang pagsasawalang bisa ng kasal ay dahil sa psychological incapacity. Kailangang mapatunayan ito ni Christine at makapagbigay siya ng pruweba na noon pa mang bago ikasal ay hindi na tama ang hubog ng kaisipan o mentalidad ni Gabriel. Kailangang patunayan na walang kakayahang intindihin, tanggapin, at gampanan ang obligasyon niya bilang asawa.
Nang marinig ito ay hindi matiyak ni Christine kung papaano mapapatunayan ang mga bagay na iyon. Pero ang mahalaga nasimulan na niya ang unang hakbang. “Okay, attorney. I’ll see what I can do. Basta magpa-file na po ako.”
“Okay. I’ll email you the list of requirements an
