Tahimik lang si Christine na naupo sa sofa pagkatapos umikot. Si Gab naman ay tahimik lang din na minamatyagan si Christine. Makalipas ang ilang segundo ay nagsalita si Gab.
“Kumusta ang biyahe niyo, Mahal?” Nakatingin siya kay Christine.
Nang hindi ito agad na kumibo ay nagsalita na si Joseph.
“Ayos naman. Madaming tao, hindi nga namin inaasahan dahil Lunes.”
“Ah, okay. Mabuti at hindi kayo nahirapan. Kailan mo gustong bumalik, Mahal?”
Tumingin si Christine kay Gab bago sumagot. “Bukas.”
Nagulat man si Gab ay hindi na niya ipinahalata kay Christine. “Hindi ka ba mapapagod?”
“Tingin ko okay lang na nagpupunta si Tin doon...tingin ko mas nakakapagrelax siya. Ako na ang magdrive sa kaniya kung gusto mo. Libre pa naman ako bukas. Doon ko na lang siya isakay sa taxing minamaneho k
