Chapter 62
(Stephanie's POV)
Kinamumuhian ko si Frank! Sobrang galit na galit ako sa kanya!
Tumakbo lamang ako ng tumakbo hanggang sa makaabot ako sa parking lot ng hotel at pagtigil ko, saktong nakita ko ang pinakamamahal na sasakyan ni Frank! Ang navy blue porsche car n’ya!
Dire-diretso akong lumakad papunta doon.
Sakto namang nakakita ako ng malaking bato sa gilid, pinulot ko iyon kahit na sobrang bigat.
Hindi na ako nagisip pa, ubod lakas kong ibinato iyon sa harap ng salamin ng kotse.
Wala akong pakialam gaano man kalakas ang ingay na dinulot ng pagkabasag, parang wala na ako sa sarili sa sobrang sakit na nararamdaman ko.
At naalala ko ang sinabi ng isa sa mga kaklase ko noon na ka-close ni Frank. Na kaya napunta dito ang hayop na lalaking ‘yon, ay dahil
